Eldur logar í iðnaðarhverfi í Hafnarfirði. Í rústunum finnst lík og fær rannsóknalögregluteymið Bergþóra og Jakob málið í sínar hendur. Málið leiðir Bergþóru djúpt inn í dimman heim fíknar og kúgunar þar sem Hallur, barnsfaðir dóttur hennar, er sokkinn í skuldafen og glæpamaðurinn Símon hefur fast tak á honum.

Fastur milli steins og sleggju sekkur Hallur sífellt dýpra í undirheima. Á sama tíma tekst Bergþóra á við eigin vandamál. Hún er staðráðin í að sanna sig eftir tímabundinn brottrekstur úr starfi og er tilbúin að leggja mikið á sig til að afhjúpa sannleikann. Saman feta þau Jakob sig í átt að lausn gátunnar - vonandi áður en það er um seinan.

Símon segir er spennandi glæpasaga um nauðung og sekt, stjórnleysi og myrkrið í hjarta mannsins - sem og þann óvænta styrk sem þar leynist þegar á reynir. Þetta er fjórða bók Önnu Margrétar Sigurðardóttur um Bergþóru og Jakob, en áður hafa komið út Hringferðin, Örvænting og Öskrið.