Sabi ng tatay niya, "Paglaki mo, igagawa kita ng mahabang-mahabang hagdan papunta sa mga bituin."

Namilog ang mga mata niya. "Talaga?"

"Oo. Tapos mula doon, ito namang mundo ang ite-telescope mo. Makikita mong mabuti ang lahat, pati 'yung luka-luka."

"Sasama ka ba sa 'kin?"

"Siyempre, hindi", sagot ng tatay niya. "Maiiwan ako dito sa ibaba. Para saluhin kita pag nahulog ka."

Napaisip siya. "Masasaktan ako..."

"Kahit masaktan ka, basta tatayo ka lang at itutuloy mo ang pag-akyat. H'wag kang mawawalan ng pag-asa. Pag buo ang loob mo at hindi mo iniinda ang sakit, mararating mo ang mga bituin."