لەم پەرتووکەدا گوشراوی ئەم ٤٠ ساڵەی تەمەنی خۆم دەخەمە بەرچاو.
گەشتی کێشمەکێش و هەوڵی بەرەوبان چوونی بەردەوام تا گەیشتن بە دڵئارامی و ئاسوودەیی نێوخۆیی.
ئەمە ئەزموونێکی مرۆییە و دەکرێ خۆتی تێدا ببینییەوە و سوودیشی لێ وەرگریت و سوودیش بگەیەنیت.
کتێبەکەم لە خەڵوەتێکدا نووسی کە تێیدا خۆم لە خەڵک و تەکنەلۆجیا دوورخستەوە و خۆم خزاندە دوورگەیەک و تێیدا لەگەڵ دەروونی خۆمدا کەوتینە بیرکردنەوە و شیتەڵکردنی ئەوەی کە ڕابردووە و تێڕامانیش لەویشی کە لە داهاتوودا دێتە ڕێ.